Corona (COVID-19) Updates

कोरोना परीक्षणमा नयाँ प्रविधि – घरमै गर्न सकिने, २५ मिनेटमै रिपोर्ट

एजेन्सी- कोरोना महामारी विश्वव्यापी कहर बनिरहेका बेला यसमाथि विभिन्न अनुसन्धान पनि भैरहेका छन् । खासगरी यसको परिक्षण पनि निकै झन्झटिलो र महँगो भएको बताइन्छ ।

कोरोना परिक्षणलाई सहज बनाउन जापानले नया प्रविधिको विकाश गरेको दाबी गरिएको छ । कोरोना भाइरसको परीक्षणका लागि नाकबाट स्वाब लिने गरिन्छ ।

यसमा कुनै पनि हानी नभएको तर धेरै मानिसहरलाई गाह्रो लाग्ने गरेको छ । तर जापानमा, अनुसन्धानकर्ताहरूको टोलीले मानिसको र्यालबाट परीक्षण गर्न सकिने विधि विकसित गरेको छ ।

जसले २५ मिनेटमा कोरोना परीक्षणको नतिजा दिन सक्षम हुन्छ । जापानी विश्वविद्यालयहरुमा काम गर्ने एक मेडिकल फर्मले यो परीक्षणको लागि काम गरिरहेको बताएको छ र यसले मानिसहरूलाई घरैमा आफ्नै परीक्षण गर्न सक्षम हुन सक्नेछन् ।

बेलायतमा पनि र्यालबाट गर्न सकिने यस्तै परीक्षण भइरहेको छ । यसमा १४ हजार भन्दा बढी स्वास्थ्यकर्मीहरू सहभागी छन् ।

Related Articles

Back to top button
Close