News

चीन सँग यु द्धको लागि गोर्खा सैनिकलाई प्रयोग नगर्न नेकपाकाे आग्रह !!

काठमाडौं। नेत्रविक्रम चन्द नेतृत्वकाे नेपाल कम्युनिस्ट पार्टीले भारतलाई नेपाली युवाहरुको गोर्खा रेजिमेन्टलाई चीनवि रुद्ध यु द्धमा प्रयोग नगर्न आग्रह गरेको छ । अहिले गलवान उपत्यकामा भारत र चीनबीच तनाव बढेका बेला भारतले गोर्खा रेजिमेन्टमा कार्यरत नेपाली युवालाई विदा कटाएर बोलउनुले भारतले उनीहरुलाई सीमामा खटाउन लागेको बुझिएको भन्दै नेकपाले आपत्ति जनाएको छ।

सरकार द्वारा प्रतिबन्धित उक्त पार्टीका महा सचिव नेत्रविक्रम चन्द ‘विप्लव’ले एक विज्ञप्ति जारी गर्दै भनेका छन् ‘नेपाली युवाहरुलाई आफ्नो जन्मभूमिमा श्रम गर्न र भारतीय सेनामा भर्ती भएर भाडावाल लडाकु नबन्न विशेष अपिल गर्दछ ।’

‘दुई देशका बीचमा स्वतन्त्र रहेको नेपालका युवा कुनै देशको सेनामा भर्ती भएर अर्को देशका वि रुद्ध यु द्धमा भाग लिने, एउटाको पक्षमा र अर्कोका विरुद्धमा युद्ध लड्नुपर्ने कुरा उचित एवम् स्वीकार्य छैन ।’

विज्ञप्तिमा अगाडि भनिएको छ, ‘यो असंलग्न राष्ट्रहरूले अवलम्बन गरेको सिद्धान्तको बि रुद्ध पनि छ। दुई समान छिमेकीका बीचमा रहेको नेपाल र नेपाली जनताका लागि अति संवेदनशील र खतरनाक छ।’ नेकपाले युवाहरुलाई स्वदेशमै रोजगारीको व्यवस्था गर्न एवम् देशका लागि लज्जाजनक रहेको गोर्खा भर्तीलाई सधैका लागि खारेज गर्न समेत माग गरेको छ।

Related Articles

Back to top button
Close