News

नयाँ नक्सा संसदमा पारित भएको ३ घण्टा नहुँदै भारतले कडा आपति जनाउंदै नेपाललाइ कडा जवाफ दिदै निकाल्यो बिज्ञप्ति !

बीबीसी – नेपालको प्रतिनिधि सभाले काला पानी, लिपु लेक तथा लिम्पिया`धुरा समेटिएको नक्सा`लाई राष्ट्रिय नि`शान छापको अ`ङ्ग बनाउने गरि तयार पारिएको संविधानको सं`शोधन प्रस्ताव पारित गरेको दुई घण्टा नवित्दै भारतले संक्षिप्त प्रतिक्रिया व्यक्त गरेको छ। भारतीय विदेश मन्त्रालयका प्रवक्ता अनुराग श्रीवास्तवले छोटो लिखित प्रतिक्रिया व्यक्त गर्दै “नेपालको दाबीको पछाडि ऐतिहासिक तथ्य वा प्रमाण नभएको” उल्लेख गरेका छन्।`

“नेपालको प्रतिनि धिसभाले भारतीय भूभाग समेट्ने गरि नेपालको नक्सा परिवर्तन सम्बन्धी संविधान संशोधन विधे`यक पारित गरेको हामीले जानकारीमा लिएका छौँ। हामीले यस विषयमा पहिले नै हाम्रो धा`रणा प्रस्ट पारिसकेका छौँ,” भारतीय प्रति क्रियामा उल्लेख छ।

“यो कृत्रिम विस्तार गरिएको दाबी ऐतिहासिक तथ्य वा प्रमाणमा आधारित छैनन् र यसको बचाउ गर्न पनि सकिन्न। साथै, थाती रहेका सीमा मुद्दाबारे वार्ता गर्ने हाम्रो वर्तमान समझदारीको यो विपरीत छ।” नयाँ नक्सा सम्बन्धी नेपालले चालेको कदमलाई लिएर भारत पहिलेदेखि नै असन्तुष्ट रहँदै आएको थियो।

यसअघि पनि उसले “नेपालले नक्सामार्फत् अतिक्रमण गरेको” भन्दै तीखो प्रतिक्रिया व्यक्त गरेको थियो। नेपाल र भारतबीचको पछिल्लो तनाव गत नोभेम्बरमा भारतले ती विवादित भूभाग समेटेर नयाँ नक्सा जारी गरेपछि सुरु भएको हो। त्यसपछि नेपाल सरकारले आफूले वार्ताकोलागि पहल गरेको तर सफल हुन नसकेको बताउँदै आएको छ। गत महिना भारतीय रक्षामन्त्रीले उक्त विवादित भूमि भएर बनाइएको सडकमार्गको ‘भर्चुअल’ उदघाटन गरेपछि नेपालमा चर्को प्रतिक्रिया उत्पन्न भयो र नेपाल सरकारले पनि नयाँ नक्सा सार्वजनिक गर्‍यो।

यसैक्रममा भारतीय सेनापतिले नेपाल अरू कसैको इशारामा उचालिएको भनी गरेका टिप्पणीले दुई देशबीच थप तनाव बढेको थियो। शनिवार संसदले संशोधन प्रस्ताव पारित गरेपछि प्रधानमन्त्री केपी ओलीले भने अब भारतसँग वार्ता गरिने बताएका थिए। तर पछिल्लो भारतीय प्रतिक्रियाले वार्ताको बाटो सहज नहुने देखाएको परराष्ट्रमामिलाका जानकारहरू बताउँछन्।

त्यस्तै भारतको सेनाप्रमुख जनरल मनोज मुकुन्द नरवणेले नेपालसँग भारतको सम्बन्ध सधैँ बलियो रहेको र बलियो रहिरहने टिप्पणी गरेका छन्। भारतको देहरादूनमा नेपालसँगको जारी विवादबारे बोल्दै उनले शनिवार उक्त टिप्पणी गरेका हुन्। यसअघि उनले नेपालले अरूकै इशारामा सीमा विवाद उचालेको सङ्केत गरेको अभिव्यक्ति विवादास्पद बनेको थियो।

नेपालको संसद्‍को तल्लो सदनले कालापानी, लिपुलेक तथा लिम्पियाधुरा समेटिएको नक्सालाई राष्ट्रिय निशान छापको अङ्ग बनाउनेसम्बन्धी संविधान संशोधन पारित गर्ने प्रक्रिया थाल्नु केही घण्टा अगाडि आएको उनको पछिल्लो भनाइलाई अर्थपूर्ण रूपमा हेरिएको छ। भारतको विदेश मन्त्रालयले नेपालको नयाँ नक्सा प्रकाशनसम्बन्धी क्रियाकलापप्रति असन्तुष्टि प्रकट गरेको थियो। भारतले असन्तुष्टि जनाउँदै यस विषयमा नेपालसँग कुराकानी गर्नबाट समेत तर्किरहेको विदेश मामिला विज्ञहरू ठान्दछन्।

“नेपालसँग हाम्रो सधैँ बलियो सम्बन्ध छ। हामीबीच भौगोलिक, सांस्कृतिक, ऐतिहासिक तथा धार्मिक सम्बन्ध छ।” “नेपाल र भारतका मानिसबीच पनि बलियो सम्बन्ध छ। उनीहरूसँग हाम्रो सम्बन्ध सधैँ बलियो रहेको छ र भविष्यमा पनि बलियो रहिरहनेछ,” शनिवार भारतीय सेनापतिले भनेका छन्। झन्डै एकमहिना अगाडि कालापानी सीमा विवादलाई लिएर सेनापति नरवणेले सार्वजनिक रूपमै नेपालले “यो विषय अरूकै इशारामा उचालेको हुनसक्ने” टिप्पणी गरेका थिए। उनको अप्रत्यक्ष सङ्केत सम्भावित चिनियाँ हस्तक्षेपप्रति रहेको ठानिएको थियो। उनको सो टिप्पणी नेपालका लागि अपमानजनक भएको नेपालका रक्षामन्त्रीले सञ्चारमाध्यमलाई बताएका थिए।

Related Articles

Back to top button
Close