Lockdown News

अटेर गर्दा काठमाण्डौको न्यूरोडमा जे भयो !!!

मीना श्रेष्ठले दुई महिना घर बसाइपछि आज पसल खोल्नुभएको छ । विगत १० वर्षदेखि न्यूरोडमा कप`डाको होलसे`ल पसल स`ञ्चालन गर्दै आउनुभएकी मीनाले दैनिकी सञ्चालन गर्न समस्या भएपछि आज पसल सञ्चालन गर्नुभएको हो । पसल खुला भए पनि उपभोक्ता भने एकजना पनि आएका छैनन् ।

कोरोना महामारीकै बीच सञ्चालन गरिएको पसलमा सामग्री खरिद गर्ने एकजना पनि नआउँदा मीना उदास देखिनुहुन्छ । चौबीसै घण्टा व्यस्त रहने काठमाडौँको मुख्य व्यापारिक केन्द्र न्यूरोडको सडकमा नगन्य मात्रामा मनिसको आवतजावत रहेको छ । त्यस माथि कारो`नाको डर एकातिर आवश्यकबाहेक अन्य कामकाजका लगि मानिस बाहिर निस्केका छैनन् ।

“मानिसको आवतजावत नै कम भएपछि सामग्री खरिद गर्नका लागि मानिस आउने त कुरै भएन, लकडाउनकै कारण कतिलाई त अहिले दैनिकी चलाउन पनि समस्या भएको छ, खानकै लागि समस्या भएपछि लत्ताकपडा किन्न आउने कुरै भएन, यो समस्या लामो समयसम्म रहने हो भने व्यापार गरी खान ठूलो समस्या हुनेछ”, दुःखी हुँदै मीनाले भन्नुभयो ।

त्यसैगरी नुनदेखि सुनसम्म पाइने काठमाडौँको अर्को प्रमुख केन्द्र मानिने असन बजारको समस्या पनि न्यूरोडको भन्दा कम छैन । यहाँ शृङ्गार सामग्रीका पसलबाहेक, दैनिक उपभोग्य वस्तुसहित अन्य केही पसल खुला रहे पनि आवतजावत कम हुँदा सामग्री खरिद गर्नेको सङ्ख्या छैन ।

असनमा चार वर्षदेखि जुत्ता पसल सञ्चालन गर्दै आउनुभएका धादिङ स्थायी घर भएका अर्का व्यापारी श्याम लामाको गुनासो पनि मीनाको जस्तै छ । उहाँले दुई महिनापछि आज पसल खुला गर्नुभएको हो तर एकजोर जुत्ता पनि बिक्री भएको छैन । “जुत्ता किन्न आउने कुरा के गर्ने पसलमा पनि आँखा लगाउने पनि कोही छैन, यसरी नै समय बित्ने हो भने बाँच्न मुस्किल भइसक्यो”, उहाँले भन्नुभयो, “लकडाउनअघि व्यापार गरेको पैसाले अहिलेसम्म व्यवस्थापन गरियो, अबको दैनिकी कठिन हुने भएको छ, लकडाउनको शुरुवाती समयमा कामपाले केही राहत दिएको थियो अब त राहत दिने पनि छैनन्, दुई छोराछोरीसहित चारजनाको परिवार टिकाउन समस्या भएको छ ।”

Related Articles

Back to top button
Close