Hot News

खरानी बन्यो कपिलवस्तुको गुगौली गाउँ : ४९ घर–गोठ जलेर नष्ट, २ सय मानिस घरवार विहीन

बुटवल । कपिलवस्तुको गुगौलीमा बस्ने प्रायः सबै जना मजदुर छन् । दैनिक मजदुरी गरेर जिविका चलाउने त्यहाँका वासिन्दा ११ दिनदेखि मुलुक लकडाउनका कारण घरबाट बाहिर निस्केर ज्याल मजदुरी गर्न पाएका थिएनन् । जसले गर्दा कतिपयलाई छाक टार्न पनि मुस्कील पर्ने अवस्था थियो ।

करोना सक्रमणको सन्त्रास भन्दा अरु थिएन, उनीहरुमा । तर, त्यस गाउँमा शुक्रवार दिउँसो कोरोना भाइरसभन्दा ठूलो संकट निम्ताउने प्रकृतिको भाइरस बनेर आयो हावाहुरी । सबैका घर गोठमा भुसका छानाका थिए । विजयीनगर गाउँपालिका वडा नम्वर १ गुगौलीका काशिराम यादवको घरमा दिउँसो खाजा नास्ता बनाउने क्रममा आगो फुक्दा त्यहाँबाट सल्केको आगोले हावाहुरी चलेपछिले सिङ्खो गाउँ लपेट्यो ।

हेर्दाहेर्दै र गुहार माग्दा माग्दै गाउँ जलेर खरानी भयो । दमकल मगाउँदा मगाउँदै गाउँ जलेर नष्ट हुन थाल्यो । छिमेकीपालिका कृष्णनगर नगरपालिकाको दमकल बिग्रको थाह पाएपछि त्यस गाउँभदा ५० किलो मिटर दुरीमा पर्ने तौलिहवाबाट दमकल त मगाइयो । तर दमकल पुग्दा घर गोठ खरानी भइ सकेका थिए ।

जिल्ला प्रहरी कार्यालय कपिलवस्तुमा सम्पर्क राख्दा प्रहरी प्रबक्ता डिएसपी सुनिल मल्लले टोली खटाई सकेको बताउँदै थिए । टोलीको नेतृत्व गरेर पुगेका प्रहरी निरीक्षक मधु नेपालसँग सम्पर्क राख्दा आफू भर्खर आइपुगेको र गाउँ पुरै जलेर नष्ट हुँदै गरेको बताउँदै उद्दार कार्यमा जुटेको जानकारी दिादै थिए ।यो समाचार तयार पारुन्जेलसम्म नेपाल प्रहरी सशस्त्र प्रहरी, स्थानीयवासीले उद्दार कार्य जारी राखेको छन् । बालबालिकाहरु च्वाँचा र चुँच गर्दै रोइ रहेका छन् । तर बाबु आमाहरु उद्धार कार्य मै छन् । प्रहरी निरक्षक थापाका अनुसार अहिले साँझसम्म २५ वटा घर र गोठ सहित ४९ जलेर नष्ट भएको विवरण तयार पारिँदै छ ।

२५ घर परिवारका २ सय जनाभन्दा बढी मानिसहरु यति बेला खुल्ला आकाशमुनी बस्न बाध्य भएका छन् । प्रहरी निरक्षक नेपाल भने, ‘आजलाई जनप्रतिनिधीहरुले छिमेकीहरुका घरमा बाँडेर राख्ने भन्नु भएको छ । त्यस गाउँपालिकाले प्रारम्भिक राहत प्रति परिवार ५ हजारले दिने घोषणा गरेको छ । मानविय क्षति त हुन पाएन अन्य भौतिक क्षति भने करोडौं भएको छ तर एकिन विवरण तयार पार्दैछौं ।’ उनका अनुसार सारा जनप्रतिनिधीहरु क्षतिग्रस्त गाउँमै आएर उद्दार कार्यमा जुटेका छन् ।

Related Articles

Back to top button
Close