News

चीनको सिको गर्दै भरतपुर, कोरोनाको उपचार गर्ने अस्पताल ७२ घण्टामै बनाउने

चितवन । चीनको वुहान क्षेत्रमा कोरोना भाइरस तिब्र रुपमा फैलिए पछि चीन सरकारले विश्वलाई नै चकित पर्ने गरी १० दिनमै अस्पताल तयार बनायो । कोरोना भाइरसका बिरामीलाई मात्र उपचार गर्ने अस्पताल निर्माण गरेर १० दिनमै उपचार सुरु पनि भयो । नेपालमा पनि त्यसको सिको गर्दै भरतपुर महानगरपालिकाले ७२ घण्टा भित्रै उपचार केन्द्रको रुपमा अस्पताल बनाउने भएको छ । जिल्लामा आवश्यक सुविधासहितको आइसियु, एचडीयु र जनरल वार्डसहित ७० शैयाको अस्पताल अस्पताल बनाउन तयारी समेत सुरु गरिएको छ । त्यसको तयारी थालिएको नेपाल चिकित्सक संघका केन्द्रीय उपाध्यक्ष अनिलविक्रम जानकारी दिएका छन् ।

चारैतिर पर्खालले घेरिएको र प्रयाप्त स्थान भएकोले चितवन उद्योग संघको प्रदर्शनी केन्द्रमा नै अस्थायी अस्पताल बनाउन लागिएको हो । जसमा कोरोना भाइरस लागेकाहरुको उपचार गरिनेछ । त्यसका लागि आवश्यक सम्पूर्ण उपकरण पनि त्यो अस्थायी अस्पतालमा उपलब्ध हुनेछ । भरतपुर कोरोना विशेष अस्पताल नाम दिइएको त्यसका लागि आइसियु र हाइ डिपेन्डेन्ट यूनिट (एचडियु) १०, १० शैयाको हुने छ। बाँकी ५० जनरल बेड हुने बताइएको छ । ‘पहिलो चौविस घण्टामा पूर्वाधार बनाउने त्यसको ४८ घण्टामा मेडिकल सामाग्री ल्याएर सेवा सुरु गर्ने योजनाका साथ काम थालिएको छ । कोरोना भएको पुष्टि भैहाले त्यसवाट अन्यत्र सर्ने अवस्था नहोस भनेर यस्तो अस्पताल निर्माण गर्न लागिएको बताइएको छ ।

उद्योग संघको कार्यालयमा भएका भौतिक पुर्वाधारलाई प्रयोग गरेर अस्थायी अस्पताल बनाइने भएको हो । कार्यालयसँगै जोडिएको तीन वटा ठुला हल छन्। त्यसमा आइसियु, एचडियु र जनरल बेड छुट्टाछुट्टै राखिने भएको छ। महामारी हुन नदिन सजगता अपनाइएको भरतपुर महानगरपालिकाकी प्रमुख रेनु दाहालले बताएकी छन्। अस्पताल निर्माणका लागि जिल्लामा रहेका सबै सरोकारवाला निकायले समन्वय गरेका छन् ।

विपी कोइराला मेमोरियल क्यान्सर अस्पतालले सुरुवातमै आइसियुको लागि आठवटा उच्च स्तरको वेड र आठवटा भेन्टिलेटर उपलब्ध गराउने प्रतिवद्धता पनि जनाएको छ । जिल्लाका अन्य अस्पताल तथा स्वास्थ्य संस्थामा परीक्षणको क्रममा शंका लागेमा पनि ति बिरामीलाई कोरोना अस्थायी अस्पतालमा पठाउने छन्। अन्य स्थानमा स्क्रिनिङ गरेपछि मात्रै उक्त अस्पतालमा बिरमी पठाइने छ।

Related Articles

Back to top button
Close