Hot News

राजधानी काठमाडौको मुटुमा भीषण आगलागी

काठमाडौ । राजधानी काठमाडौको मुटु मानिने पुतलीसडकमा भीषण आगलागी भएको छ। काठमाडौँ महानगरपालिका–३१ पुतलीसडकस्थित कृष्णशंकर कसजुको घरको दोस्रो तलामा आज अपराह्न आगलागी हुँदा कन्सल्टेन्सीमा क्षति पुगेको छ।

महानगरीय प्रहरी परिसर काठमाडौँका प्रवक्ता सोमेन्द्रसिंह राठौरले आगलागी हुँदा स्टाण्डर्ड एजुकेशन कन्सल्टेन्सीको एक कोठामा क्षति पुगेको जानकारी दिए।

विद्युत् चुहिएर आगलागी भएको हुन सक्ने प्रहरीले जनाएको छ । कन्सल्टेन्सी बन्द रहेका बेलामा एक्कासी धुवाँको मुस्लो बाहिर निस्केपछि स्थानीयवासीले प्रहरीलाई खबर गरेका थिए।

प्रहरीले काठमाडौँ महानगरपालिकाको दमकलको सहायतामा अहिले उक्त आगो नियन्त्रणमा लिइसकेको छ । आगलागीबाट के कति क्षति भयो भन्नेबारे तथ्यांक संकलन भइरहेको प्रहरी उपरीक्षक राठौरले बताए।

सबैको जानकारीको सेयर गर्नुहोस !!

Related Articles

Back to top button
Close