News

रवि लामिछानेमाथि आइलाग्यो फेरि अर्को संकट

काठमाडौं ०६ साउन / टेलिभिजन प्रस्तोता रवि लामिछानेविरुद्ध झापाकी एक उपप्रमुखले अदालत जाने चेतावनी दिएकी छन् । आफूविरुद्ध भ्रामक र गलत सामग्री प्रसारण गरेको भन्दै झापाको विर्तामोड नगरपालिकाकी उपप्रमुख पवित्रा महतारा प्रसाईँले सिधा कुरा जनतासँग कार्यक्रम र त्यस्का प्रस्तोता रवि लामिछानेविरुद्ध न्यायिक निकायमा जाने चेतावनी दिएकी हुन् ।

मंगलबार पत्रकार सम्मेलन गरेर उनले आफू न्यायिक निकायमा जान बाध्य भएको बताएकी छन् ।झापामा भएको आन्दोलनका क्रममा गोली लागेर घाइते भएकी एक महिलालाई चोरीको आरोप लगाएर उपमेयर प्रसाईँले कामबाट निकालेको सम्बन्धी सामग्री सिधाकुरा जनतासँग कार्यक्रममा प्रसारण भएको थियो ।

तर उपमेयर प्रसाईँले ती महिलालाई आफूले कामबाट निकालेको नभई उनी आफै सम्पर्कमा नआएको दाबी गरेकी छन् ।आफ्नो घरबाट हराएको औँठी ती महिलाका श्रीमानले ल्याएर दिएको तर सो बेलादेखि महिला भने आफै सम्पर्कमा नआएको उनको दाबी छ। यसबारे आफूले जानकारी गराउन चाहे पनि सो समूह सम्पर्कमा आउन नचाहेको उनको आरोप थियो ।

Related Articles

Back to top button
Close